केही मान्छेहरु
कवितामा सुद्धा रोएर बाँच्छन्,
केही मान्छेहरु
विचारमा सुद्धा रोएर बाँच्छन् ।
.jpg)
समृद्ध कोठामा बस्दा पनि
केही मान्छेहरु दरिद्र देखिन्छन्,
खल्तीमा राखेर पनि नोटमा बिटाहरु
केही मान्छेहरु ज्यादै गरिब
देखिन्छन् ।
केही मान्छेहरु
बोकेर नागरिकताको परिचयपत्र
तर पनि परिचयहीन देखिन्छन् ।
केही मान्छेहरु
मान्छेलाई छाडेर
आकाशमा उभिन्छन्
र पनि खाल्टोमा देखिन्छन् ।
(२०५२।९।१० सोमबार)
No comments:
Post a Comment