कविता-लाचार-२

लाचार

एकपटक त समय

मसित पनि हुन्छ,

एकपटक त समय

तिमीसित पनि हुन्छ ।

त्यसपछि समय

कोसित हुन्छ ?

००

पटक पटक माया गर्‍यौँ

पटक पटक चुम्बन गर्‍यौँ

वाचा गर्‍यौँ र फेरि माया गर्‍यौँ ।

लगातार सन्तान पायौँ

लगातार वन्ध्याकरणका योजनाहरु बनायौँ,

लगातार विफल भयौँ

र फेरि योजना बनायौँ ।

००

देशको चिन्ता गर्‍यौँ

सन्तानको चिन्ता गर्‍यौँ

केही थान क्रान्तिका कविताहरु पनि लेख्यौँ

००

यो पनि गर्‍यौँ,

त्यो पनि गर्‍यौँ

तर खासमा हामीले के गर्‍यौँ ?????

                              (२०५६-५-२८ सोमवार)